حريتنا

حريتنا تتقدم بخالص التهانئ للاستاذ / احمد الجيزاوي بمناسبة الافراج عنه

ونود ان نقول له .. تقبل الله منك ومنا .. وجعله في ميزان حسناتك

سؤال صريح جدا .. ياترى احنا لسه بنحب مصر ؟؟

حبايبي الاعزاء ... جايلكم النهاردة بموضوع جديد .. ممش مكتوب من وحي خيالي ولا حاجة ولا من جوايا ... لكن مكتوب من داخل بنوتة بتحلم .... وانا بقلب كده على الصبح في المدونات واقرأ البوستس الجديدة .. ويجيلي افكار كثير بس برده مش عارف اكتب ... لاقيت مدونة لسه منشئة ما بقالهاش 24 ساعة اسمها بحلم ببكرة - وبتكتبها بنوتة بتحلم

ولاقيتها كتبة قصيدة بعنوان بحلم ببكرة بس تحفة تعالوا نشوف كتبت ايييييه

بحلم ببكرة

بحلم ببكرة يكون أحلي

بحلم ببكرة يكون أجمل

بحلم بخضرة وشمس ونيل

بحلم ببكرة يبقي جميل

السلام عليكم ورحمة الله وبركاته

اعزائي زوار مدونتي المتواضعة حريتنا

مش عارف اقولكم ايه ولا اشكركم ازاي على مجهودكم الكبير في كبر حجم المدونة ... وعايز اقولكم اني بجد بقالي فترة مش عارف اكتب خالص ... وبيبقى الموضوع في دماغي واجي اكتب بيطير .... فادعولي وانتظروني بقوة انشاء الله ... وانتظروا حريتنا بثوب جديد

من داخل سجون الظلم يكتب احد الشرفاء هذه الابيات المؤثرة

هو سؤال لابد منه ... ولا بد منه للي لازم يتساله وواجب عليه - على مضد بس ربنا يتقبل - اذكره انه هيتسال السؤال ده ... هذا السؤال كان يفكر به عمر بن الخطاب حينما كان اميرا للمؤمنين وكان مدرك ما هي قوة هذا السؤال فقال يوما لنفسه " لو عثرت بغلة في العراق لسالت عنها لما لم امهد لها الطريق " .

هذا السؤال اردت ان اذكر به كل من هو مسؤل او ذو منصب او مديرا لهيئة ما او وزيرا او رئيسا لدولة او لجمهورية ... اردت ان اذكر بهذا السؤال لما ارى من اضمحلال في احوال بلادنا واستهتار وعدم تفكير معظم من يشغلون المناصب حتى من هو رب اسرة و اود ايضا ان اوجه هذا السؤال الى رئيس الجمهورية لانه سوف يسأل امام الله تعالى عنا وعن كل شئ يحدث في بلدنا و في المكان الذي هو مسؤل عنه وعن الاسلام كيف نصره وساعد في نشره وان يكون عاليا في بلد من بلاد المسلمين .

ودليلي على ذلك ..قوله تعالى : "وقفوهم انهم مسالون " وايضا قول النبي ص " كلكم راع ومسؤل عن رعيته .... الى اخر الحديث "

ونحن شعب مصر رعية سيادة الرئيس وسوف يسال عنا امام الله وسيسأل عن ملايين من اطفال الشوارع في عهده كثرت وملايين من الذين اعتقلوا وعذبوا بالباطل وحكموا وسرقت اموالهم

يا سلام على امن بلادنا

اللي بياكل قوتنا

وبيضربنا وبيشتمنا

ويعلقنا ويبهدلنا

يا سلام على امن بلادنا

قال ايه مهمته يحمينا

لكن بيعذب فينا

وبيسجنا وينفينا

علشان بنقول " اسلام "ي

يا سلام على امن بلادنا

اعتذار من ادارة حريتنا

تعتذر ادارة حريتنا لما بدر منها من خطأجسيم في حق قارئيها وزوارها الاعزاء ... لانها لم تقم بالتدوين في الفترة السابقة بطريقة منتظمة وهي تقدم لكل من زارها او مر عليها سواء بتعليق او بدون تعليق خالص الشكر .... و تود ادارة حريتنا باخباركم انها لم تقدم تدوينا منتظما منذ فترة بسبب الضغوط الكبيرة التي مرت بها .... وتوعدكم بتقديم تدوين ذو طابع خاص الفترة القادمة ..... وفي النهاية تقدم اعتذارها بكامل الآسى لعدم قيامها بتغطية ما حدث في انتخابات الشورى السابقة وذلك بسبب الذغوط الامنية المشددة التي فرضتها اجهزة الامن في شتى بقاع مصر في ذلك اليوم

انتظروناااااااااااااااا

مع تحيات / ادارة حريتنا

شباب غاوي حرية